Aru Tubarania Ri Gowa

Ata Karaeng
Tabe Ki Pammomporang Mama
Ri Dallekang La'biritta
Ri Empoang Matinggita
Ri Sa'ri Karantuang Ta

Inakke Minne Karaeng
Lambara Tatasallana Gowa
Na Kareppekangi Sallang Karaeng
Panggulu Ri Barugaya
Na Tepokangi Sallang Karaeng
Pasorang Mattangnga Parang

Inai Naiannamo Sallang Karaeng
Mappattojengi Tojenga
Mappiadaki Adaka
Kusalagai Sirinna
Kuesara Paranglakkenna
Berangja Kupate'ba
Pangkulu Kunisoeang

Katte Anging Karaeng
Na Ikambe Leko' Kayu
Mirikko Anging Naminawang Leko' kayu
Iya Sani Madidia Ji Na Runang

Ikatte Je'ne Karaeng
Na Ikambe Batang Mammayu
Assolongko Je'ne Na Mammayu Batang Kayu
Iya Sani Sompo Bonang Ki Anyu

Ikatte Jarung Karaeng
Na Ikambe Bannang Panjai
Angtaleko Jarung Na Maminawang Bannang Panjai
Iya Sani La'busu Pi Na Kontu Tojeng

Makkana Mamiki Mae Ri Nakke Karaeng
Na Ikambe Mampajari
Ma'nyabu Mamiki Mae Ri Nakke Karaeng
Na Ikambe Mamparupa

Punna Sallang Takammaya Aruku Ridallekanta
Pangka Jerakku
Tinra Bate Onjokku

Pawwang Anak Ri Boko
Pasang Anak Tanjari
Tumangkanaya Karaeng
Natanaruppai Kananna

Sikammaji Anne Aru Ku Ridallekanta
Dasi Nadasi Kitarima Pangguru Na Saba Allahtala
Salama.......