Ata Daeng Bunting
Tabe Ki Pammomporang Mama
Ri Dallekang La'biritta
Ri Empoang Matinggita
Ri Sa'ri Karantuang Ta
Inakke Minne Daeng Bunting
Lambara Tatasallana Gowa
Na Kareppekangi Sallang Daeng Bunting
Panggulu Ri Barugaya
Na Tepokangi Sallang Daeng Bunting
Pasorang Mattangnga Parang
Inai Naiannamo Sallang Daeng Bunting
Mappattojengi Tojenga
Mappiadaki Adaka
Kusalagai Sirinna
Kuesara Paranglakkenna
Berangja Kupate'ba
Pangkulu Kunisoeang
Katte Anging Daeng Bunting
Na Ikambe Leko' Kayu
Mirikko Anging Naminawang Leko' kayu
Iya Sani Madidia Ji Na Runang
Ikatte Je'ne Daeng Bunting
Na Ikambe Batang Mammayu
Assolongko Je'ne Na Mammayu Batang Kayu
Iya Sani Sompo Bonang Ki Anyu
Ikatte Jarung Bunting
Na Ikambe Bannang Panjai
Angtaleko Jarung Na Maminawang Bannang Panjai
Iya Sani La'busu Pi Na Kontu Tojeng
Makkana Mamiki Mae Ri Nakke Karaeng
Na Ikambe Mampajari
Ma'nyabu Mamiki Mae Ri Nakke Karaeng
Na Ikambe Mamparupa
Punna Sallang Takammaya Aruku Ridallekanta
Pangka Jerakku
Tinra Bate Onjokku
Pawwang Anak Ri Boko
Pasang Anak Tanjari
Tumangkanaya Daeng Bunting
Natanaruppai Kananna
Sikammaji Anne Aru Ku Ridallekanta
Dasi Nadasi Kitarima Pangguru Na Saba Allahtala
Salama.......
